ബ്ലൂ റോസ്

ആദ്യമായി നാം കൈമാറിയത് ;
ചുവപ്പ് റോസാ പൂക്കളായിരുന്നു ;
നമ്മുടെ സ്വപ്നങ്ങളുടെ നിറമായിരുന്നു......

പിന്നീടൊരിക്കൽ നീ എനിക്ക് നല്കിയത് ;
കുറച്ച് മഞ്ഞ റോസുകൾ ആയിരുന്നു ;
വിരഹവേദനയുടെ നാളുകളിൽ നിലാവിനു പോലും മഞ്ഞ നിറമായിരുന്നു.....

ഞാൻ ഏകനായി നടന്നകന്ന പാതയോരങ്ങളിൽ ;
നിറയെ വെള്ള റോസുകൾ നിറഞ്ഞിരുന്നു ;
വേർപാടിന്റെ ശൂന്യതയ്ക്കും സമാധാനമുറങ്ങുന്ന വെള്ള റോസിനും തമ്മിൽ സാമ്യമുണ്ടെന്ന്.....

കോരിച്ചൊരിയുന്ന മഴയത്ത് ;
പേരുമാഞ്ഞ കല്ലറയിൽ നീ ;
ഉപേക്ഷിക്കപ്പെട്ട കുറച്ചു ഓറഞ്ച് റോസുകൾ നോക്കി നിന്നു ഞാൻ.....

പണ്ടൊരിക്കൽ നീ പറഞ്ഞതോർക്കുന്നു ഞാൻ ;
മഴവില്ലിൻ തേരിലേറി അവയുടെ വർണ്ണങ്ങളിൽ ;
ചേക്കേറി വർഷാന്തരത്തിലെവിടെയോ എനിക്കിഷ്ട്ടപ്പെട്ട ബ്ലൂ റോസുകൾ മൊട്ടിട്ടു വിടരുമെന്നു......