ആർത്തവം അല്ലെങ്കിൽ ആവർത്തനം

[ആരെയും വിഷമിപ്പിക്കാൻ വേണ്ടിയോ , ആരെയും കുറ്റപ്പെടുത്തിയോ പറഞ്ഞതല്ല.  എന്‍റെ ജീവിതത്തിൽ ഉണ്ടായ ഒരനുഭവം വളരെ ചുരുക്കി പറഞ്ഞതാണ്.]

എല്ലാവരും ആർത്തവത്തെ കുറിച്ചു എഴുതുന്നു..

എന്തുകൊണ്ട് എനിക്കുമെഴുതിക്കൂടാ...

നുമ്മ ആർത്തവത്തെ വെറുക്കാനുണ്ടായ ഒരു കഥ പറയാം.....

നുമ്മ ഈ വിഷയത്തെ കുറിച്ച് ഒന്ന് പഠിക്കട്ടേ എന്നിട്ട് കൂടുതലായിട്ടുള്ള അഭിപ്രായം പറയാം.....

ഇപ്പോൾ എല്ലാവരുടെയും ഒരു ഇത്....

ആർത്തവം എന്ന വിഷയത്തിലാണെന്ന് തോന്നുന്നു....

എന്‍റെ എഴുത്തുപ്പുര ഗ്രൂപ്പിലും ( My Own Group In Facebook )  , വേറെ ഗ്രൂപ്പുകളിലും , ബ്ലോഗിലും എല്ലാം ആർത്തവം ആണ് പ്രമേയം.....

പണ്ട് പണ്ട് പണ്ട്.....

സ്കൂളിൽ പഠിക്കുമ്പോൾ ഉണ്ടായ ഒരു പഴയ കഥയാണ്....

ബയോളജി ടീച്ചർ പഠിപ്പിക്കുകയാണ്......

എന്തിനെ കുറിച്ച് ?

ആർത്തവത്തെ കുറിച്ചു....

"പെണ്‍കുട്ടി പ്രത്യുത്പാദന ശേഷി കൈവരിച്ചു എന്നതിന്‍റെ ലക്ഷണമാണ്  ആർത്തവം അതോടു കൂടി അണ്ഡവിസർജനം ആരംഭിക്കുകയും  ഗർഭാശയം ഗർഭധാരണത്തിനായി  ഒരുങ്ങുകയും വളർച്ച എത്തിയ അണ്ഡം പുറത്തുവന്നു പുരുഷബീജവുമായി ചേർന്ന്  ഗർഭധാരണത്തിനുള്ള മുന്നൊരുക്കങ്ങൾ സ്ത്രീ ശരീരത്തിൽ കൗമാരത്തിലേ ആരംഭിക്കുകയും ചെയ്യുന്നു. ബീജസംയോഗമോ ഗർഭധാരണമോ നടക്കാതെ വരുമ്പോൾ ഈ മുന്നൊരുക്കങ്ങൾ  അവസാനിക്കുന്നു. ഈ പ്രവർത്തിയുടെ ഫലമായി യോനീനാളത്തിലൂടെയുണ്ടാകുന്ന രക്ത സ്രാവമാണ് ആർത്തവം എന്നാണ് പറയുന്നത്" എന്ന് ടീച്ചർ ക്ലാസിൽ പാഠപുസ്തകം വായിച്ചു പഠിപ്പിച്ചപ്പോൾ 

നുമ്മ, 

ചുണകുട്ടിയെ പോലെ എല്ലാം അറിയുന്ന ഭാവത്തിൽ എഴുന്നേറ്റു നിന്ന് ടീച്ചറോട്‌ ചോദിച്ചു ?

എന്ത് ചോദിച്ചു ?

 "ഗര്‍ഭാശയത്തില്‍നിന്നും പുറപ്പെടുന്ന രക്തസ്രാവത്തിന് ആര്‍ത്തവം എന്നു പറയുന്നു" അങ്ങനെയല്ലേ ടീച്ചർ ശരി എന്ന് സയൻസ് ടീച്ചറോട് ചോദിച്ചതിൽ  ക്ലാസിൽ നിന്നും  പുറത്താക്കിയതാണ് നുമ്മയെ......

അന്ന് വെറുത്തതാണ് ആർത്തവത്തെയും ബയോളജിയേയും....

ആ വെറുപ്പിൽ പത്താം ക്ലാസ് തോറ്റിട്ടും ഇനി നുമ്മ പഠിക്കില്ലാന്ന് ശപഥം ചെയ്തതും....

ഈ ആർത്തവം കാരണമാണ്....

എന്നിട്ടിപ്പോൾ ഫേസ്ബുക്കിൽ പാണൻമാർ നാടുകൾ തോറും പാടി നടക്കുന്നത് പോലെയാണ് പലരുടെയും ആർത്തവത്തെ കുറിച്ചുള്ള പോസ്റ്റും...

ഇതൊക്കെ കാണുമ്പോൾ അണ്ഡവും കുരുവും ഒന്നും അല്ലാ പൊട്ടുന്നത്.....

ഇതിനെ കുറിച്ചൊക്കെ അറിവില്ലാത്ത കുറച്ചു ഗൈനകോളജിസ്റ്റ് പയ്യന്മാര് ഇറങ്ങിയിട്ടുണ്ട്....

ഇവന്‍റെയൊക്കെ -------- അടിച്ചു പൊട്ടിക്കാനാ തോന്നുന്നത്......

ഈ ------ നിങ്ങളുടെ സ്റ്റാൻഡേർഡിനനുസരിച്ചു പൂർത്തികരിക്കാം 

എന്‍റെ പോസ്റ്റിൽ അല്ല....

നിങ്ങളുടെ മനസ്സിൽ......