ചെമ്പരത്തി

നട്ടുനനച്ചു വളർത്തിയവരെയും കാത്ത് ;

പണ്ടെങ്ങോ നട്ടുമറന്നവരെ 

വഴിവക്കിൽ കണ്ണുനട്ട് കാത്തിരിക്കുകയാണ്... 

പാവമീ ചുവന്ന പൂക്കൾ....!! 

മഴയോടും , കാറ്റിനോടും മല്ലിട്ട് ; 

സൂര്യ രശ്മികളോട് പരിഭവം ചൊല്ലിയും..... 

വീണ്ടും വീണ്ടും പൂക്കുന്നുണ്ടോരാ - 

രക്തം പൊടിയുന്നൊരു പൂവ്....!!

ആത്മഹത്യ ചെയ്യാൻ പോയവരുടെ പ്രണയത്തിനും ;

ഈ രക്തപൂക്കളുടെ നിറമായിരുന്നെന്നും ;

പാവം ഈ "ചെമ്പരത്തി" അറിഞ്ഞിരുന്നില്ല...!!